甚麼都感不安

不安可能是沒有安全感的伸延
感覺有如蟲子爬滿一身
拍也拍不完

待我太好我感到不安
待我不好更感不安
假期遲了起床又覺不安
看見他人做得比自己好 不安
工作太忙工作太閑甚感不安
天氣不好 也要不安...

有時懷疑這是病
像潔癖

討厭雙子星

最近受了一個台灣網友的影嚮，
在這裡開設了自己的空間。

今午看電視兒童節目，
主持人示範畫漫畫，
畫得真的很好，
於是手癢癢想畫上幾筆。

早前看了幾場排球賽，
幾日後便買了排球閑來在空地玩玩。

上年跟了朋友去觀賞現代舞，
前年又...

嗯嗯，
我是屬於麻煩的雙子座。

我們都被騙了？（2046後記）

本來怨男怨女全片兩小時重頭到尾義無反顧怨！怨！怨！都看得我有點「興恰恰」：「唔係掛，又落街買魚旦粉」；「吓，山長水遠對住個窿講心事咁衣柜，向關X鵬看齊？」但諗深一層，花樣年華其實「唔打得都睇得」；衫靚美指靚攝影靚歌靚音樂靚甚至人靚（好似冇樣關王家衛事），都算賞心悅目啦。

咁2046呢？追隨王家衛多年的眾迷哥迷姐，等等等由廿世紀末等到廿一世紀初，連「北京之夏（唔知又等幾耐）」及「華樣年華」都拍埋，等到的可算是一個偏局 － 雷聲太大，雨？毛都冇滴！2046年未來都市景（我地估姐，人地只係講2046係部列車嘅編號。）？原來只係幾幕好求其既3D Rendering。最最最失望的是戲中主線只係舊瓶舊酒：解開「亞飛」中尾場朝偉身世之謎；所謂「花樣年華」的延續；麗珍的「陰魂不散」等不能盡錄。王太小看觀眾的觀賞能力。我邊看邊想像王家衛/張叔平對住一堆冇頭冇尾既零星鏡頭頭都大，好吃力地剪成一個故事（因為好多旁白，好多字幕板）。八成無頭無尾嘅片段都好沉溺好浮面好怨（又係怨），好多仲要係喊戲，唔通一定要喊先叫有戲味？。其實除了章子怡差D外眾姐仔都已經交足戲，但她們的過去及感受唔係真係要對住個窿先講得掛（鏡頭面前？Noway！唔係咩叫秘密！哼！），換言之「我喊死都唔講！」（可能因為冇劇本，點講？）。可想而知其怨氣何止比「花」多三倍，論主角數量都唔止啦！

就以上種種對2046的批評有理由相信是「冇劇本導演手法」的後果。「識」王家衛咁耐都知他的作品未到剪片都唔知古仔點講，所以講古佬旁白例牌發揮作用，打死都唔信現在2046嘅母題（由「花」片2046房間引發）係早有安排，因2046的開拍日期比「花」早。諗得衰D，當初提出2046的慨念時煲得太大，現在收唔到科。

唔好彩睇到以上文章的人兄人姐一定以為筆者對王氏嘅作品一向都吾過電，但其實我都曾經都愛過它,它是﹣春光乍洩。

給我一個休止符

黑
腦已掏空 心也掏空

重
身想著地 心早墮地

深處響起失調的圓舞曲
舞鞋在內裡急旋急旋
轉穿了心臟
誰的指揮棒在半空 –



停



空氣
凝住了
直至不能呼吸

血
被蒸發掉
直至通體冰涼

不安 失落 愛
誰可給我一個休止符?
.....

溫柔男子

他愛吸煙會講粗話說話時聲大大
但其實他很溫柔

我很溫吞愛猶豫話聲夢囈一樣細
但我對他

很暴烈

不是何寶榮那種暴烈
只是有關記憶

時間久了
反而一點一點一點一點
忘記
就如留在咀角的米粒

忘記了忘記了這樣他的心便抽著抽著痛

很怕連他的臉都會忘記

我想 可否愛自己少一點？

這樣 我也可成為
溫柔男子